*নাজিৰা মহকুমাত “ৰাইচ ভেৰাইটেল কেফেটেৰিয়াৰ” শুভাৰম্ভ* কৃষি বিভাগৰ বিশেষ তৎপৰতা*

PR NEWS ASSAM নাজিৰা, ২১ জুলাইঃ নাজিৰা মহকুমাৰ মহকুমাধিপতি সব্যসাচী কাশ্যপে নাজিৰা মহকুমাৰ ন-গাঁও কৃষি উন্নয়ন বিষয়াৰ’ চক্ৰৰ অন্তৰ্গত চেংধৰা গাঁৱত অসম কৃষি-ব্যৱসায় আৰু গ্ৰাম্য পৰিৱৰ্তন প্ৰকল্পৰ (এপিআৰ) অধীনত কেফেটেৰিয়া পদ্ধতিৰে  কঠিয়া ৰোৱা’ (আৰভিচি)কাৰ্যসূচীৰ শুভ  উদ্বোধন কৰে। আৰভিচি হৈছে এক নিৰ্দিষ্ট স্থানৰ লক্ষ্যযুক্ত ধানৰ প্ৰকাৰৰ প্ৰদৰ্শনী আৰু কৃষক আৰু অন্যান্য অংশীদাৰসকলক তেওঁলোকৰ প্ৰয়োজনীয়তা অনুসৰি উপযুক্ত প্ৰকাৰে মূল্যাঙ্কন আৰু বাছনি কৰাত সহায় কৰে, যাৰ ভিতৰত আছে ঠাইখনৰ জলবায়ু, মাটিৰ মানদণ্ড, জলসিঞ্চনসুবিধা ইত্যাদি। এই পদ্ধতিৰে কঠিয়া ৰোপন শিৱসাগৰ জিলাতে প্ৰথম আৰম্ভ হৈছে৷  আজিৰ আৰভিচিত, হাইব্ৰিডৰ লগতে স্থানীয়সহ মুঠ ১০ প্ৰকাৰৰ ধান ৰূপন কৰা হয়। সাব্যসাচী কাশ্যপে আজি কাৰ্যসূচী উদ্বোধন কৰাৰ সময়ত কৃষকসকলৰ সৈতে নিজেই কঠিয়া ৰোপণ কৰে ৷ এনে কাৰ্যসূচীৰ গুৰুত্বৰ কথা উল্লেখ কৰি তেওঁ কয় যে কৃষি বিভাগৰ এই ধৰণৰ পদক্ষেপে নিশ্চিতভাৱে যুৱসকলৰ মাজত বিভিন্ন কৃষি প্ৰকল্পক তেওঁলোকৰ বৃত্তি হিচাপে গ্ৰহণ কৰিবলৈ আগ্ৰহ সৃষ্টি কৰাত সহায় কৰিব। কেৱল যুৱক-যুৱতীসকল অৰ্থনৈতিকভাৱে স্বাৱলম্বী হোৱাই নহয়, যদি সঠিক আৰু বৈজ্ঞানিক উপায়েৰে কৃষি কাৰ্য কৰে তেনেহলে অঞ্চলটোৰ অৰ্থনীতিও বিকশিত হ’ব ৷ তেওঁ লগতে কয় যে যিহেতু বাৰিষা ঋতু আৰম্ভ হৈছে, সেয়েহে এনে আৰভিচিয়ে কৃষকসকলক ধান খেতিৰ বিষয়ে কাৰিকৰী জ্ঞান প্ৰদান কৰিব যি উৎপাদনশীলতাৰ লগতে তেওঁলোকৰ বাবে উৎপাদিত সামগ্ৰীৰ মানদণ্ড উন্নত কৰিব।দেশজুৰি ধান খেতিয়কসকলৰ মাজত উচ্চ উৎপাদনশীল প্ৰকাৰ আৰু উন্নত প্ৰযুক্তি প্ৰচাৰৰ বাবে ‘কেফেটেৰিয়া’ উদ্যোগটো এক কাৰ্যকৰী পদ্ধতি হিচাপে বিবেচিত হৈছে। নাজিৰাৰ কৃষক তথ্য (এফআইএচি) আৰু উপদেষ্টা কেন্দ্ৰ কৃষি প্ৰযুক্তি ব্যৱস্থাপনা সংস্থা (এটিএমএ), নাজিৰাৰ সহযোগত জিলা কৃষি বিভাগৰ কাৰ্যালয়, শিৱসাগৰৰ উদ্যোগত এই কাৰ্যসূচীৰ আয়োজন কৰা হয়৷