PR NEWS ASSAM ২২ অক্টোবৰ, ২০২৪: আজি ইংৰাজী ২২ অক্টোবৰ ২০২৪ তাৰিখে নাজিৰা সমজিলাৰ পঞ্চায়তীৰাজ প্রতিষ্ঠানৰ অন্তর্গত নাজিৰা আঞ্চলিক পঞ্চায়তৰ ফটো বিহীন খছৰা ভোটাৰ তালিকা প্রকাশ কৰা হয়। খচৰা ভোটাৰ তালিকা অনুসৰি নাজিৰা আঞ্চলিক পঞ্চায়তৰ মুঠ ভোটাৰ ১২১৯৯৩ গৰাকী। ইয়াৰে ৬০১০৩ গৰাকী পুৰুষ ভোটাৰ, ৬১৮৯০ গৰাকী মহিলা ভোটাৰ আৰু অন্যান্য ভোটাৰ-০ গৰাকী। উক্ত ভোটাৰ তালিকাখন বিশেষ সংক্ষিপ্ত সংশোধ ০৮-০২-২০২৪ ক ভিত্তি বর্ষ হিচাপে লৈ প্ৰস্তুত কৰা হৈছে।নাজিৰা সমজিলাৰ পঞ্চায়তীৰাজ প্রতিষ্ঠানৰ অন্তৰ্গত ১ খন আঞ্চলিক পঞ্চায়তৰ অধীনত ৪ খন জিলা পৰিষদ, ২০ টা গাওঁ পঞ্চায়ত, ২০০ টা ৱাৰ্ড আৰু ২০০ টা ভোটগ্ৰহণ কেন্দ্র আছে।নাজিৰা সমজিলাৰ পঞ্চায়তীৰাজ প্রতিষ্ঠানৰ অন্তৰ্গত ০৪ খন জিলা পৰিষদৰ নাম ক্রমে- ১৪ নং চুকাফা জিলা পৰিষদ, ১৫ নং নাজিৰা জিলা পৰিষদ, ১৬ নং জোকতলি জিলা পৰিষদ আৰু ১৭ নং আঠখেল জিলা পৰিষদ।
ইয়াৰোপৰি প্ৰতিজন ভোটাৰে ভোটাৰ তালিকাত নিজৰ নাম পৰীক্ষনৰ বাবে https://ermssec.assam.gov.in ৱেবচাইটযোগে নিজৰ ভোটাৰ কাৰ্ডৰ নম্বৰটো প্ৰয়োগ কৰি পৰীক্ষা কৰিব পাৰিব আৰু ভোটাৰ তালিকা ডাউনলোড কৰিব পাৰিব বুলি বিভাগীয় কতৃপক্ষই সদৰি কৰিছে৷
