নাজিৰা মহকুমাত স্বাধীনতা দিৱস উপলক্ষে আয়োজিত বেডমিন্টন প্ৰতিযোগিতা৷

PR NEWS ASSAM :৭৮ সংখ্যক স্বাধীনতা দিৱস উপলক্ষে নাজিৰা মহকুমা প্ৰশাসনৰ উদ্যোগত আজি নাজিৰা ৰোহিতেশ্বৰ শইকীয়া ইনড’ৰ ষ্টেডিয়ামত জিলা ভিত্তিত এখন বেডমিন্টন প্ৰতিযোগিতা আয়োজন কৰা হয়। উক্ত প্ৰতিযোগিতাৰ শুভ আৰম্ভণি কৰে অতিৰিক্ত আয়ুক্ত তথা নাজিৰা মহকুমাৰ ভাৰপ্ৰাপ্ত মহকুমাধিপতি আয়ুষী জৈনে। এই অনুষ্ঠানত বিশিষ্ট ব্যক্তি হিচাপে  উপস্থিত থাকে নাজিৰা জিলা ক্ৰীড়া সন্থাৰ সভাপতি ৰমেন দত্ত, কাৰ্যকৰী সভাপতি আব্দুৰ ৰহমান, সম্পাদক গোপাল গগৈ আৰু সহকাৰী সম্পাদক দিপু দাস, অনুপম লাচিত আৰু বেডমিন্টন প্ৰশিক্ষক লুটফুৰ ৰহমান।১৩ বছৰ অনুৰ্ধ্ব আৰু মুকলি শাখাত অনুষ্ঠিত হোৱা এই প্ৰতিযোগিতা খনত ৬০ৰো অধিক ছাত্ৰ ছাত্ৰীয়ে অংশগ্ৰহণ কৰে। উল্লেখ্য যে, নাজিৰা মহকুমা প্ৰশাসনৰ উদ্যোগত. এটি চেল্ফি পইন্ট স্থাপন কৰাৰ লগতে “হৰ ঘৰ ত্ৰিৰংগ”ৰ কেনভাছত মহকুমাধিপতিৰ হস্তাক্ষৰে এই অভিযানৰ শুভাৰম্ভ কৰা হয়। এই কাৰ্যসূচী অহা ইং ১৫ আগষ্ট পৰ্যন্ত অব্যাহত থাকিব বুলি নাজিৰা মহকুমা-প্ৰশাসনৰ তৰফৰ পৰা জানিবলৈ দিছে ৷